“Maroqand meva-sabzavot” mas’uliyati cheklangan jamiyatida 10 ming tonna mahsulot saqlash imkonini beruvchi ikki bo‘limdan iborat muzlatkich ishga tushirildi. Qo‘ng‘irot mahallasi hududida yetishtirilayotgan o‘n turdagi bog‘dorchilik hosili ushbu yirik xajmli muzlatkichlarda saqlanmoqda.
– Birinchi bo‘limda 64 ta kamera bo‘lib, asosan olma joylashtirilgan, – deydi jamiyat ish boshqaruvchisi Shuhratjon Shodiboyev. – Ikkinchi bo‘limda sabzavotlarni saqlash ko‘zda tutilgan. Muzlatkichdagi mahsulotlar kelgusi yilning sentabr oyiga qadar o‘z sifatini yo‘qotmay turadi. 2023-yilgacha mevani yuvib, saralab, sifatli holda qutilarga joylashtiradigan yangi texnologiyalar o‘rnatmoqchimiz. Italiyaning bunday texnologiyasi mahsulot sifatini oshiradi. Qolaversa, yangi ish o‘rinlari yaratiladi.
Sohib SAYFULLAYEV olgan surat.