Tumanimizda “Yashil makon” umummilliy loyihasi qizg‘iz davom etyapti. Jumladan, bugun Dehqonobod, So‘xmon, Eski Jomboy mahallalaridagi aholi xonadonlari va fermer xo‘jaligi ekin maydonlariga 8 ming tupdan ortiq mevali va manzarali daraxt ko‘chatlari ekildi.
Qayd etish joizki, 2021-2022-yillar kuz-bahor mavsumida tumanimzida 1 million 203 ming tup mevali, manzarali nihollar o‘tqazish rejalashtirilgan. Shundan 451 ming tupi noyabr-dekabr oylarida ekiladi.
Ayni paytgacha qishloq xo‘jalagi, ijtimoiy soha obyektlari, qurilish, ta’lim muassasalari hududida 203 ming tupdan ortiq daraxt va buta nihollari o‘tqazildi.
Bundan tashqari, kun davomida “Uz Truck and Bus Motors” avtomobil zavodi hamda To‘qqizboy mahallasidagi yo‘l yoqalariga qayrag‘och, terak, tok, tut kabi daraxt nihollari ekildi.