1-синфга 3500 нафар бола қабул қилинади
Жорий йилнинг 6 июлидан янги ўқув йилига 1синф ўқувчиларини қабул қилиш бошланди. Пандемия шароитини инобатга олган ҳолда қабул жараёни фақатгина ҳар бир мактабнинг микро ҳудуди доирасида амалга оширилмоқда.
Бу йил тумандаги 56 та умумтаълим мактабларининг 1синфига 3500 нафар ўқувчи қабул қилиш режалаштирилган. Шундан ўзбек гуруҳига 3429 нафар, рус гуруҳига 71 нафар ўғилқиз қабул қилинади.
Маълумот учун, ўтган йили 3291 та қабул квотаси ажратилганди.
Гулмира МАМАСОЛИЕВА, бўлим методисти.
***
Ўқувчи онлайн кундалик тутишга тайёрми?
Хабарингиз бор, kundalik.com сайти пойтахт мактабларида жорий этилган эди. Эндиликда, республиканинг барча шаҳар ва туман мактаблари босқичмабосқич қамраб олиняпти.
Янги ўқув йилидан Жомбойдаги 4 та мактаб ўқувчилари учун шундай тартиб юритилади. Kundalik.com тизими ўқувчи, ота-она ва ўқитувчи учун жуда қулай. Ундан оддий қоғоз кундалик каби фойдаланиш мумкин. Дарс жадвали, уйга вазифа, баҳолар доимий акс этиб борилади.
20202021 ўқув йилидан тумандаги 6, 18, 23, 35мактаблар ҳамда 40ихтисослаштирилган давлат умумтаълим мактаби жамоасига ушбу сайтдан фойдаланиш имкони яратилади.
18умумтаълим мактабида таҳсил олувчи барча ўқувчилар тизимга киритилди. Унда ўтган ўқув йилининг 4чорагида олинган баҳолар акс этган.
Нилфар БАҲРОМОВА