Махсус имкониятлар
2-сектор ҳудудидаги Ғазира, Сарқипчоқ ва Қанғли маҳаллаларида Президентимизнинг Олий Мажлисга Мурожаатномаси юзасидан давра суҳбатлари ўтказиляпти. Хотин-қизлар ва ёшлар иштирокида ўтаётган тадбирларда аҳоли розилигига эришиш, аёллар ва йигит-қизларимизни иш билан таъминлаш, муаммоларини ҳал этиш мамлакатимиз сиёсатининг энг муҳим йўналишларидан саналиши таъкидланмоқда. "Темир дафтар", "Аёллар" ва "Ёшлар" дафтарига киритилган фуқаролар билан тизимли ишлаш, ташаббусларини қўллаб-қувватлаш бўйича чора-тадбирлар белгиланиб, мурожаатларни жойида ҳал этиш таъминланяпти.
***
3-сектор раҳбари, подполковник С.Шавманов вилоят халқ таълими бошқармаси вакиллари иштирокида уй шароитида таҳсил олаётган 23-умумтаълим мактабининг 1-синф ўқувчиси Зуҳрахон Ашурова ҳамда 18-умумтаълим мактабининг 5-синф ўқувчиси Заринабону Ўролбоеванинг яшаш уйига борди. Учрашувда қизларнинг билим олишига яратилган шароитлар ўрганилди. Улар билан келажакдаги орзулари, мақсадлари ҳақида суҳбатлашилди. Эҳтиёжларидан келиб чиқиб, ногиронлик аравачаси совға қилинди.
