Ўз вақтида жаҳон ва халқаро мусобақалар ғолиби, Осиё чемпиони бўлган спорт фахрийлари иштирокида учрашув ўтказилди. Тадбирда спорт фахрийлари кенгаши раиси маслаҳатчиси Игорь Барабан, вилоят ҳокими ўринбосари Ботир Нуруллаев, сенатор Фармон Тошев қатнашди. Вилоятимиз спорти тарихига тўхталиб, эришилган ютуқлар, бой берилган имкониятлар ҳақида фикр-мулоҳазалар билдирилди.
Учрашувда "Ўзбекистон спорт фахрийси" кўкрак нишони билан тақдирланган 20 нафар таниқли мураббийларга махсус гувоҳномалар тантанали суръатда топширилди. Жумладан, Жомбой футбол мактабига асос солган таниқли спорт устаси Иван Кострикин ҳам ушбу эътирофга сазовор бўлди.
Ҳусан ЭЛТОЕВ.