Махсус имкониятлар
Zarnews.uz saytida tumanimizdagi "Azlar bobo" qabristonini devor bilan o'rash zarurligi yuzasidan murojaat e'lon qilindi. Jumladan, unda hashar yo'li bilan muayyan ishlar bajarilgani, lekin hududni devor bilan o'rab olish uchun mablag' yetmayotgani ta'kidlanadi.
Darhaqiqat, tumandagi barcha qabristonlar hududini o'rash, ichki yo'laklar barpo etish bo'yicha chora-tadbir ishlab chiqilgan. Bugungi kungacha mavjud 68 ta qabristondan 30 tasi obod qilindi. Joriy yilning o'zida Qo'lbosti, Qo'ziguzar, Shirinkent qishloq qabristonlarida yo'laklar ta'mirlanib, devor bilan o'rash chorasi ko'rilmoqda.
Bu boradagi ishlar to'xtab qolmaydi, balki mavjud imkoniyatdan kelib chiqib bosqichma-bosqich bajariladi. "Azlar bobo" qabristoni ham e'tibordan chetda emas. Ichki yo'laklar qurish uchun yaqinda budjetdan sement va boshqa qurilish ashyolari ajratilgani fikrimiz tasdig'idir. Hududni devor bilan o'rash 2022-yil dasturiga kiritilgan.
Tuman Obodonlashtirish boshqarmasi.
