Tumanimizdan “Ayollar daftari”ning ikkinchi bosqichiga kiritilgan xotin-qizlarning 938 nafari ishsiz, ijtimoiy himoyaga muhtoj hisoblanadi. Shundan 274 nafarining bandligini ta’minlash yuzasidan chora-tadbirlar ishlab chiqilgan.
Mustaqilligimizning 30 yilligi nishonlanayotgan qutlug‘ kunda ushbu opa-singillarimizning xonodoniga bayram quvonchi kirib bordi. O‘zini-o‘zi band qilish dasturi asosida 69 nafariga pishiriq pechlari hamda 100 nafariga tikuv mashinasi topshirildi.
Sektor rahbarlari ishtirok etgan uchrashuvlarda mamlakatimizda inson qadr-qimmati oliy qadriyat ekani ta’kidlandi. Islohotlar bardavom bo‘lishi haqida fikrlar bildirildi.
Asbob-uskunlarni qabul qilgan xotin-qizlarning aksariyati kelgusida tadbirkorlikni yo‘lga qo‘yish, o‘z oilasining iqtisodini yaxshilash uchun samarali ish boshlashni niyat qilishgan.
Hafiza O‘SAROVA.