Xotira muqaddas – qadr abadiy

Xotira va qadrlash kuni tumanimizdagi barcha ta’lim muassasalarida nishonlanmoqda.

18-umumta’lim maktabida “Mardlar qo‘riqlaydi Vatanni” shiori ostida tadbir tashkil etildi. Unda tinchlikni qadrlash, faxriylarni e’zozlash mavzuida she’r va qo‘shiqlar ijro etildi. O‘quvchilar nafaqadagi ustozlar holidan xabar olishdi.

H.Berdiyeva.

***

50-maktabda “Uch avlod uchrashuvi” o‘tkazildi. Tadbirda taniqli ijodkorlar Xo‘roz Abdusalomov, B.Elbekova, R.Sherova ishtirok etdi.

***

40-ixtisoslashtirilgan davlat umumta’lim maktabi jamoasi “Xotira va qadrlash kuni” arafasida xayrli ishga bel bog‘ladi. Muassasada faoliyat yuritib, nafaqaga chiqqan faxriy ustozlar xonadonida bo‘lib, ularning hayotiy tajribalari haqida suhbat qilindi.

S.Karimova.

***

11-davlat maktabgacha ta’lim tashkiloti tarbiyalanuvchilari Vatanimiz sarhadlarini himoya qilish chog‘ida halok bo‘lgan qahramon-askar Murodjon Tojiyev xonadoniga borishdi. Uning oila a’zolari bilan suhbatda bolajonlar kelajakda harbiy bo‘lish istagida ekanliklarini bildirishdi.

L.Murtazoqulova.

***

21-davlat maktabgacha ta’lim tashkilotida “Xotira muqaddas – qadr abadiy” mavzuida bayram tadbiri boʻlib oʻtdi. Bolajonlarga urush faxriylari va ularning ibratli hayot yo‘li haqida maʼlumot berildi .

K.Xudoynazarova.