Yurtimiz sharafini ko‘targan chempion munosib kutib olindi

jpg jpeg gif png txt doc docx xls xlsx pdf ppt pptx pps ppsx odt ods odp mp3 mov mp4 m4a m4v mpeg avi ogg oga ogv weba webp webm

Iordaniyada o‘tgan boks bo‘yicha Osiyo chempionatida O‘zbekiston terma jamoasi vakillari 6 ta oltin, 3 ta kumush va 4 ta bronza medalini qo‘lga kiritib, birinchilikni egallashdi. G‘oliblar orasida tumanimiz vakili Navbahor Hamidovaning ham borligi har birimiz uchun faxr-iftixordir.

Osiyo chempioni o‘zi tug‘ilib o‘sgan qishloqda munosib kutib olindi. Tadbirda tuman hokimi va sektor rahbarlari, nuroniylar va faol yoshlar qatnashdi. 
Tuman hokimi Qayum Sobirov so‘zga chiqib, yurtimiz shon-shavkatini xalqaro darajada yuksaltirayotgan farzand tarbiyasi uchun champion qizning ota-onasiga minnatdorchilik bildirdi. Tashakkurnoma va esdalik sovg‘alari topshirildi.

Ma’lumot uchun, Navbahor Hamidova 2001-yilda, Sarichashma mahallasida tug‘ilgan. Qozog‘iston, Belorus, Mongoliya, Bolgariya, Serbiya va Birlashgan Arab Amirliklarida o‘tgan xalqaro musobaqalar g‘olibi. 2018-yildan O‘zbekiston terma jamoasi a’zosi.

Osiyo chempionatining finalida Janubiy Koreya vakili Choi Xongeunga qarshi munosib raqiblik qildi. 66 kilogramm vazn toifasida 5:0 hisob bilan oltin medalga sazovor bo‘ldi.

2015-2024 © Жомбой туман ҳокимлиги. Сайт яратувчиси: SAKTRM