Sessiya: 55-maktab direktorligiga munosib nomzod aniqlanmadi

jpg jpeg gif png txt doc docx xls xlsx pdf ppt pptx pps ppsx odt ods odp mp3 mov mp4 m4a m4v mpeg avi ogg oga ogv weba webp webm

Xalq deputatlari tuman kengashining yetmishinchi sessiyasi o‘tkazildi. Tadbirda “Obod qishloq” dasturi doirasida amalga oshirilayotgan ishlar yuzasidan 4-sektor rahbari Baxtiyor Baratov hisobot berdi.

Qayd etilishicha, Qoramo‘yin mahallasini “Obod qishloq” dasturi doirasida obodonlashtirish ishlari yakuniga yetmoqda.

Dastur asosida 268,3 million so‘mlik beton, 1 milliard 945 million so‘mlik asfalt yo‘llar barpo etilib, foydalanishga topshirilgan. Shuningdek, 3,5 kilometr ichki tuproq ko‘chalar shag‘allashtirilgan. 48-umumta’lim maktabi 200 million so‘m evaziga joriy ta’mirlangan.

– Elektr energiyasi ta’minotini yaxshilash maqsadida 2,8 kilometr tarmoq toritish rejalashtirilgan, – dedi B.Baratov. Bugungi kungacha 1,7 kilometri tortilib, qolgan ishlar ham davom etyapti. Bundan tashqari 90 ta beton ustun va 1 ta transformator o‘rnatildi.

Sessiyada o‘zini-o‘zi boshqarish organlari faoliyatida uchrayotgan dolzarb muammo va kamchiliklar hamda ularning yechimi bo‘yicha olib borilayotgan ishlar tahlil qilindi. Keksa avlod vakillarini har tamonlama qo‘llab-quvvvatlash, ularning jamiyat, oila va mahalladagi o‘rnini mustahkamlash yuzasidan tashabbus va jamoatchilik takliflari muhokama etildi.

Kun tartibiga 10-, 34-, 55-umumta’lim maktabi direktorligiga nomzodlarni saralash va tasdiqlash masalasi ham kiritilgandi. Nomzodlarning 3 yillik faoliyat dasturi taqdimotidan so‘ng 10-maktab direktorligiga Baxtiyor Nurnazarov, 34-maktab direktorligiga Zohid Mamadiyorov tasdiqlandi. 55-umumta’lim maktabi uchun munosib nomzod aniqlanmagani sababli ushbu mavzu muhokamadan chiqarildi.

2015-2024 © Жомбой туман ҳокимлиги. Сайт яратувчиси: SAKTRM