Tadbirkorlik jamiyatimiz rivoji uchun muhim tarmoq. Xususiy sektor davlatimiz tomonidan har tomonlama qo‘llab-quvvatlanayotgani bejiz emas. Ammo yaratib berilayotgan sharoitlardan foydalanish bilan bir qatorda tadbirkor o‘z majburiyatini ham unutmasligi kerak. Aks holda, muayyan javobgarlik yuzaga keladi.
Fuqarolik ishlari bo‘yicha tumanlararo sud tomonidan yaqinda ushbu mazmunda ish ko‘rildi. Hal qiluv qaroriga ko‘ra, “Qorasuv-2017” fermer xo‘jaligi hamda qo‘shimcha javobgar I.A. hisobidan “Agrobank” tuman filiali foydasiga 191 million 923 ming so‘mlik kredit qarzdorligini undirish belgilangan. Majburiy ijro byurosi tuman bo‘limida shu asosda ish yuritildi.
Olib borilgan harakatlar davomida qarzdorlik to‘liq undirildi.
Hasan BOZORBOYEV,
davlat ijrochisi.