Халқ депутатлари туман кенгашининг навбатдаги – 14-сессияси ўтказилди. Тадбирда озиқ-овқат хавфсизлигини таъминлаш ва ички бозорда нарх-наво барқарорлигини сақлаш чора-тадбирлари тўғрисидаги масала кўриб чиқилди.

Тил миллат ва давлат бирлиги, борлиги, маданияти ва салоҳиятининг мезонларидан бири саналади. Бундан 31 йил муқаддам ўзбек тилига давлат тили мақомининг берилиши чиндан ҳам улуғ ва тарихий воқеа бўлган эди. 2019 йил 21 октябрда қабул қилинган “Ўзбек тилининг давлат тили сифатидаги нуфузи ва мавқеини тубдан ошириш чора-тадбирлари тўғрисида”ги Президент фармони эса бу борадаги хайрли ишларни янги босқичга кўтарди, десак муболаға эмас.

Улуғ мутафаккир бобомиз Алишер Навоий она тилимизни улкан уммонга, ижод аҳлини эса ўша уммон тубидан дур, маржон терувчи ғаввосга қиёслаган эди. Дарҳақиқат, сўзлардан моҳирона фойдаланган ҳар бир ижодкор меҳнати уммон тубидан олиб чиқилган дурларининг қиймати кабидир.

Маҳалла ва оилани қўллаб-қувватлаш бўлими ташаббуси билан "Afrosiyob jeans" масъулияти чекланган жамиятида амалий кўргазма ташкил этилди. Тадбирдан кўзланган мақсад жомбойлик ишсиз хотин-қизларнинг бандлигини таъминлаш, уларга тикувчилик бўйича дастлабки тушунча ва тасаввурлар беришдан иборат.

Туманимизни Самарқанд шаҳри ва Оқдарё тумани билан боғловчи кўприк фойдаланишга топширилди. Оқдарё устига қурилган янги иншоот ''Самарқанд йўллардан мунтазам фойдаланиш унитар корхонаси'' томонидан 3,5 миллиард сўм маблағ эвазига бунёд этилган. Узунлиги 90, эни 7,5 метрни ташкил этади. Юз тоннагача юк кўтариш имкониятига эга.