Бугун туман марказида транспорт қатнови сезиларли даражада кўпайди. Сарой, Арчазор, Шукур Бурхонов номидаги кўчаларда янада тирбандлик, тартибсизлик юзага келди. Фақат шугина эмас. Банк, шифохона, кўча-кўйда одамларнинг тўп-тўп йиғилганини кўриш мумкин.

Бугун туманимизда ёғингарчилик кузатилиб, қисқа муддат дўл ёғиб ўтди. Бундай ноқулай об-ҳаво шароити айниқса, қишлоқ хўжалиги ходимларини ташвишга солиши шубҳасиз. Шукурки, табиат ҳодисаси экинларга жиддий зарар етказмади.

Президентимиз раҳбарлигида 13 май куни ўтган видеоселектор йиғилишида вилоятимиздаги эпидемик вазият, карантин даврида иқтисодиёт ва саноат тармоқлари барқарор ишлашини таъминлаш, аҳоли турмуш шароитларини яхшилаш каби долзарб масалалар муҳокама қилинди. Унда мутасадди раҳбарлар зиммасидаги бир қатор вазифалар юкланди. Туманимизнинг Гулистон маҳалласида ички кўчалар ҳашар йўли билан обод қилинганидан хабарингиз бор. Президент топшириғи ижросини таъминлаш, ҳудудларни ободонлаштириш, аҳолига етарли турмуш шароитларини яратиш мақсадида ушбу ташаббус барча секторларда амалга оширилиши режалаштирилмоқда. Шу муносабат билан туман ҳокими Қ.Собиров Ҳолвойи, Шерқўрғон, Эски Жомбой ва Қорамўйин қишлоқларида фаоллар билан учрашди.

Аҳмаджон Қурбонов маҳалласида 100 хонадонли кўп қаватли уй-жой биноси бунёд этилиши ҳақида аввал хабар қилгандик. Бугундан қурилиш ишлари бошлаб юборилди.

Туман ҳокими ташқи савдо ва инвестициялар бўлими мутасаддилари иштирокида Жомбойда фаолият юритаётган экспортёр корхоналар, йирик ишлаб чиқариш субъектларида бўлди.