Туман ҳокими ва сектор раҳбарлари йирик ишлаб чиқариш субъектлари фаолияти билан танишди. Карантин даврида корхоналар одатдагидек иш тартибини давом эттириши учун тўсқинлик қилиши мумкин бўлган муаммолар ўрганилди.

Туман ҳокими Ҳ.Тўйчиев биринчи сектор ҳудудида жойлашган Катта қишлоқ, Талдираззоқ, Тут маҳаллаларига борди. Қишлоқ жойларида фаолият юритаётган озиқ-овқат дўконлари, ишлаб чиқариш корхоналари билан танишиб, тадбиркорларнинг муаммо ва таклифларига қулоқ тутди. Шунингдек, ташриф давомида нархларнинг асоссиз оширилишига йўқ қўймаслик зарурлиги айтилди.

Азиз юртдошлар, ҳурматли жомбойликлар!

Баҳор фасли нафақат коронувирус балки, бошқа юқумли хасталиклар тарқалишида ҳам хавфли мавсум ҳисобланади. Бинобарин, шу кунларда корхона, ташкилот ва муассасаларда ўтказилаётган дезинфекция тадбирларининг аҳамияти катта.