Tuman hokimi Qayum Sobirov Uzunovul qishlog‘ida bo‘lib, aholi xonadonlarida mavjud sharoitlar bilan tanishdi. Mahalla fuqarolar yig‘ini vakillari, hokim yordamchisi bilan uyma-uy yurgan holda fuqarolar muammosi, fikr-takliflarini eshitdi.

Korrupsiyaga qarshi kurashish milliy kengashi tomonidan 9-dekabr – Xalqaro korrupsiyaga qarshi kurashish kuni munosabati bilan “Aksilkorrupsiya haftaligi” e’lon qilindi. Shu munosabat bilan tumanimizda ham uchrashuv va davra suhbatlari o‘tkazilmoqda.

Tumanimizdagi 23-umumta’lim maktabi joriy o‘quv yilidan informatika va axborot texnologiyalariga ixtisoslashtirilgan maktab sifatida faoliyat boshladi. Muassasada 1036 o‘quvchi tahsil olishini inobatga olib, alohida xonalar sohaga moslashtirildi. Taʼmirlash va jihozlashdan so‘ng bugun rasman foydalanishga topshirildi.

Yurtimizda ilmga e’tibor har doim kuchli bo‘lgan. So‘nggi yillarda “Zakovat” so‘zi yoshlarning intellektual bahsi bilan hamohang ishlatilayotgani bejiz emas. Kitob o‘qiganga avtomobil sovg‘a qilinayotgani, zukkoligi bilan ilm musobaqalarida g‘olib bo‘lgan yigit-qizlarga davlat mukofotlari, orden va medallar taqdim etilayotgani mamlakatimizda bu boradagi davlat siyosati bundan buyon ham bardavom bo‘lishini anglatadi.

Samarqand delegatsiyasi Antaliya shahri mezbonlik qilayotgan xalqaro qishloq xo‘jaligi seminarida ishtirok etmoqda.