Prezident administratsiyasi ishchi guruhi vakillari tumanimizda bo‘lib, ijtimoiy himoyaga muhtoj xotin-qizlar holidan xabar olishdi. Viloyat oila va xotin-qizlar boshqarmasi hamda tuman bo‘limi mutasaddilari ishtirokida og‘ir ijtimoiy vaziyatdagi, nogironligi bo‘lgan yurtdoshlarimiz bilan muloqot o‘tkazildi.

Vazirlar Mahkamasining “Xotin-qizlar muammolarini o‘rganish va hal etish tizimini yanada takomillashtirish chora-tadbirlari to‘g‘risida”ga qarori ijrosini ta’minlash maqsadida tuman kengashi deputatlari tomonidan o‘rganish o‘tkazilyapti. Unga ko‘ra, hududlarda “Ayollar daftari”ga kirtilgan xotin-qizlarning yashash sharoitlari, turmush tarzi xonadonbay shaklda tahlil qilinmoqda.

Avval xabar qilganimizdek, tumanimizdagi barcha umumta’lim maktablarida “So‘nggi qo‘ng‘iroq” yangradi. Maktabgacha va maktab ta’limi bo‘limining xabar berishicha, joriy o‘quv yili so‘nggida 1807 nafar jomboylik yigit-qizlar katta hayotga qadam qo‘yishdi.

Respublikamizning barcha viloyatlarida bo‘lgani kabi tumanimiz maktablarida ham 11-sinf o‘quvchilari uchun so‘nggi qo‘ng‘iroq yangradi. Erta tongdan 56 ta umumta’lim maktabida “Ilmni qadrlang, ilmga intiling!” shiori ostida bayram tadbirlari tashkil etildi.

Yevropa megalitik madaniyat yo‘nalishi – Yevropa Kengashining madaniy tarmoqlaridan biri bo‘lib, u betakror tabiat va o‘ziga xos manzillarni mujassam etgan, miloddan avvalgi tosh majmualar – yodgorliklar, maqbaralar, qadimgi jamoalar tomonidan insho etilgan ziyoratgohlarni ko‘rish imkonini beradi hamda qadim o‘tmishning g‘ayrioddiy izlarini o‘zida aks ettiradi.