“Yashil makon” umummilliy loyihasining joriy yil bahorgi mavsumida tumanimizda 751 ming 680 tup daraxt va buta ko‘chatlari ekilishi rejalashtirilgan. Bugungi kungacha ushbu rejaning bajarilishi 101 foizdan oshgan bo‘lsa-da, jarayon qizg‘in davom etmoqda.

Nihol ekish ishlari “Sayxunobod tajribasi” asosida tomorqachilikni ommalashtirish bilan uyg‘un borayotgani e’tiborga molik. Bugun Nayman mahallasida amalga oshirilayotgan ishlar fikrimiz tasdig‘idir.

Kun davomida Beshkapa, Nayman va Do‘rmon qishloqlaridagi aholi tomorqalari hamda fermer xo‘jaligi dala chetlariga mevali, manzarali ko‘chatlar o‘tqazildi.

Shuningdek, 3 gektardan ortiq maydonda malinazor barpo etildi.