Қудуқли маҳалласида яшовчи Ойгул Эргашева яшаш хонадонида уй-боғчаси ташкил этди. "Имона" давлат-хусусий шерикчилик асосидаги мактабгача таълим ташкилотида 25 нафар болажонлар тарбияга қамраб олинди.
Таълимда сифат-самарадорликка эришиш, жойларда қамров даражасини ошириш бугунги куннинг муҳим вазифаларидан саналади. Шу маънода янги ташкил этилаётган бу каби муассасалар ўша ҳудуд ижтимоий ривожида катта ўрин тутади.
Очилиш маросимида сектор раҳбари С.Шавманов қатнашди. Тадбиркорлик лойиҳалари ҳар томонлама қўллаб-қувватланиши таъкидланди.