Махсус имкониятлар
Туманимиздаги 40-ихтисослаштирилган давлат умумтаълим мактаби ўқувчиси Мадина Фурқатова "Йил сардори" кўрик-танловининг вилоят босқичидан муваффақиятли ўтиб, республикага йўлланма олгани ҳақида хабар қилгандик.
Тошкент вилояти Бўстонлиқ туманидаги "Оқтош" болалар оромгоҳида "Камалак" болалар ташкилотининг анъанавий 20-анжумани ўтказилди. Нуфузли тадбир доирасида "Йил сардори" кўрик-танловининг мутлақ ғолиблари ҳам аниқланди.
– Анжуманда республикамизнинг 206 та туманидан саралаб олинган пешқадамлар беллашди, – дейди Ёшлар иттифоқи туман кенгаши раиси Акмал Гулямов. – Мадина самарқандлик ёшлар шарафини муносиб ҳимоя қилди. Айниқса, "Менинг келажакдаги касбим" шартида устозлар меҳрини қозониб, эътирофга сазовор бўлди. Сўнгги натижалар сарҳисобига кўра, 3-ўринни эгаллади.
Мадина Фурқатова 8-синф ўқувчиси, бадиий ижод, журналистика, тасвирий санъат йўналишларида ижод қилади. Ёшлар иттифоқи "Пресс-клуби" сардори.
