Тўққизбой маҳалласида туман ҳокими аҳоли мурожаатларини ўрганди. Жумладан, "Темир дафтар", "Аёллар дафтари" ва "Ёшлар дафтари"га киритилган фуқаролар билан мулоқот ўтказилди. Уларнинг муаммо ва таклифлари эшитилди.
4-умумтаълим мактаби ўқитувчиси Шоира Хайруллаева фаоллар зали учун мебел жиҳозлари олишда амалий ёрдам сўради. Туман ҳокими фахрий педагогнинг ушбу таклифини қўллаб-қувватлади. Таълим муассасаларининг моддий-техник базасини мустаҳкамлаш борасида амалга оширилаётган ишлар юзасидан маълумот берди.
Шунингдек, Далер Баратовнинг ҳайдовчилик гувоҳномаси олиш, Дилшод Ўтамуродовнинг ижодий ишларини чоп этиш бўйича мурожаатлари ижобий ҳал этилиши белгиланди.
Тадбирда 20 нафарга яқин фуқаролар қатнашди.