Чорак миллиард қарздорлик

Тадбиркор давлат ва жамият ҳимоясида. Аммо қонун устуворлиги, мажбуриятлар пойдорлигини ҳам унутмаслик керак. Жумладан, қонунчилигимизда жисмоний ва юридик шахслар белгиланган солиқларни ўз вақтида тўлаши шартлиги белгилаб қўйилган. Афсуски, буни ўз вақтида англамаган тадбиркор иши судгача етиб бориши ҳеч гап эмас.

Ичимлик турлари ишлаб чиқаришга ихтисослашган “F-1868” масъулияти чекланган жамияти масъуллари ҳам ушбу жиҳатни инобатга олишмади. Оқибатда қарз ҳажми 224 миллион 521 минг сўмга етган.

Ҳолат юзасидан мажбурий ижро бюроси туман бўлимида иш қўзғатилиб, томонларга юборилган. Банк ҳисоб-рақамига банд солиниб, мол-мулки хатловга тушгач, корхона раҳбарлари қарийиб чорак миллиард сўмлик мажбуриятни давлат бюджетига тўлаб беришди.

Мажбурий ижро бюроси туман бўлими.