Туман кенгаши депутати Нодир Тўраев Қудуқли маҳалласида аҳоли муаммоларини ўрганди. “Бир депутат юз аёлга кўмакчи” лойиҳаси доирасида “Аёллар дафтари”га киритилган хотин-қизларга моддий-маънавий ёрдам кўрсатиш, уларни қийнаб келаётган масалаларга ечим топиш мақсад қилинди.
– Маҳаллада истиқомат қилувчи 84 нафар хотин-қизлар “Аёллар дафтари”га киритилган бўлиб, муаммоларини ҳал этиш, бандлигини таъминлаш орқали 81 нафари бугунги кунгача дафтардан чиқарилган, – дейди Н.Тўраев. – Аммо ҳали аҳоли орасида оғир ижтимоий вазиятда яшаб келаётган аёлларимиз кўп. Улар билан юзма-юз учрашиб, кўнглига қулоқ тутишимиз лозим.
Тадбир давомида Қўнғирот қишлоғида яшовчи Зилола Асадова хонадонида бўлиб, унинг оилавий шароити ўрганилди. Шунингдек, мазкур маҳаллада яна 3 нафар хотин-қизлар муаммоли турмуш кечираётган, деб топилиб, “Аёллар дафтари”га киритиш бўйича тавсия берилди.
Халқ депутатлари туман кенгаши котибияти.