Махсус имкониятлар
Joriy o‘quv yilida 40-ixtisoslashtirilgan davlat umumta’lim maktabining turli fanlardan milliy va xalqaro sertifikat olgan o‘quvchilari soni 12 nafarga yetdi.
Shu kunga qadar 11-sinf o‘quvchilari Marjona Karimova, Sarvarbek Yo‘ldoshev hamda 9-sinf o‘quvchisi Ruxshona Ummatova “B2” darajali milliy sertifikat, shuningdek, 10-sinf o‘quvchilari Mohinur Islomova va Charos Abdurasulova “B2” darajali “IELTS” sertifikati sohibiga aylangandi.
Bilim va malakalarni baholash agentligida 12-may kuni o‘tkazilgan imtihon natijalariga ko‘ra yana 5 nafar o‘quvchimiz ingliz tili fanidan milliy va xalqaro sertifikat egasi bo‘lishdi. Ulardan 10-sinf o‘quvchilari Sevinch Ismatullayeva “IELTS”dan, Ra’no Mansurova “SEFR”dan “C1” daraja qayd etgani quvonarlidir.
Bundan tashqari, 11-sinf o‘quvchisi Madina Furqatova, 9-sinf o‘quvchisi Nursaid Qodirov milliy, Zafar Abulqosimov “IELTS” sertifikatini qo‘lga kiritdi.
Tabiiy fanlar yo‘nalishidagi iqtidorlar soni oshib borayotgani e’tiborga molik. Jumladan, kimyo va biologiya fanlaridan Gulyuz Ismoilova birvarakayiga 2 ta milliy sertifikat olgani fikrimiz tasdig‘idir.
Iyun oyida ham 5 nafar o‘quvchimiz imtihonda ishtirok etishi kutilmoqda.
Shohista NAMOZOVA,
40-ixtisoslashtirilgan davlat umumta’lim maktabi direktori, tuman kengashi deputati.
