Musulmonlar idorasi viloyat vakilligi tashabbusi bilan tumanimizda amaliy seminar o‘tkazildi. Tadbirda 16 ta shahar va tuman bosh imom-xatiblari ishtirok etishdi.
Tadbir avvalida kam ta’minlangan, ehtiyojmand oilalar holidan xabar olindi. Shuningdek, mahalla markazlarida yoshlar bilan ma’rifiy suhbatlar tashkil etildi. Tumanimizda mavjud 7 ta masjid faoliyati tahlil qilindi.
Seminar so‘ngida Avliyo Qoraxon bobo masjidida sarhisob yig‘ilishi o‘tkazildi. O‘rganilgan muammolar, sohadagi yutuq va kamchiliklar muhokama etildi. Mehmonlarga tumanimizda nashr etilgan adabiy-ma’rifiy asarlar sovg‘a qilindi.