Туман ҳокимлиги ва давлат солиқ инспекцияси вакиллари Жомбойда ташкил этилган йирик экспортёр корхоналар фаолияти билан танишди.
Туман ҳокими ўринбосари М.Исмоилов, 4-сектор раҳбари Ш.Азаматов ҳамда иқтисодиёт ва саноат бўлими бошлиғи Ш.Ҳасанов иштирокида ўтган учрашувда "Тўлақўрғон мевалари", "Азия фруитс" ҳамда "Жомбой оил" масъулияти чекланган жамиятида иш юритиш тартиби, 2020 йил учун режалаштирилаётган экспорт прогнози ўрганилди.
"Тўлақўрғон мевалари" корхонаси иссиқхона хўжалигига ихтисослашган бўлиб, жорий йилда 2,2 миллион АҚШ долларлик маҳсулот экспорт қилишни мақсад қилган. "Азия фруитс" МЧЖ эса 500 минг АҚШ долларлик жомбойлик боғбонлар етиштирган қуруқ меваларни хориж бозорига чиқаради.
Учрашувлар давомида туманимизда ташкил этилган “Ормоннур продукт” хусусий корхонасини экспортга ихтисослаштириш масаласида келишувга эришилди. Яқин кунларда Жомбойда янги тармоқ – зираворлар етиштириш ва чет мамлакатларга етказиб бериш йўлга қўйилади.