Самарқанд маҳалласида туман ички ишлар бўлими бошлиғи С.Шавманов фаоллар билан учрашди. Тадбир давомида ёшлар тарбияси, жиноят ва ҳуқуқбузарликлар профилактикаси борасида амалга оширилаётган ишлар муҳокама этилди.
– Жиноят содир бўлса, аввало бир оиланинг турмуш мувозанати бузилади, – деди С.Шавманов. – Иккичи томондан ўша ҳудуд шаънига ҳам доғ тушади. Эътибор берилса, одамлар фалончи жиноят қилибди, демайди. Фалон жойда шундай ёмон иш юз берибди, дейди. Демак, ўзимиз, яшаб турган туман, маҳалла, қишлоғимиз шаъни учун ҳам кўнгилсиз ҳолатларга қарши курашишимиз керак. Бунинг учун бизга жамоатчилик назорати зарур.
Тадбир давомида туманнинг бир йиллик криминоген кўрсаткичлари тўғрисида маълумот берилди.