Туман тиббиёт бирлашмасида оналар ва болалар ўлимининг олдини олиш чора-тадбирлари самарадорлигини янада кучайтириш мавзуида йиғилиш ўтказилди. Маҳалла ва оилани қўллаб-қувватлаш бўлими, санитария-эпидмиология осойишталиги маркази ҳамкорлигида ўтказилган тадбирда тумандаги жорий вазият, фертил ёшидаги аёлларда учраётган хасталиклар, болаларни турли эпидемияларга қарши эмлаш масалалари муҳокама этилди. Маҳалла ва оилани қўллаб-қувватлаш бўлими бошлиғининг хотин-қизлар бўйича ўринбосари З.Юсупова ҳамда туман тиббиёт бирлашмаси бошлиғи Э.Боймуродов томонидан икки томонлама ҳамкорлик чора-тадбирлари имзоланди.