Халқимизда саховатпешалик хислати инсонийлик безаги ҳисобланади. Яна “Бир болага етти маҳалла ота-она” деган нақл ҳам бежиз айтилмаган. Ўз тақдирини халқ билан уйғун ҳисоблайдиган, қўли очиқ инсонлар сабаб жамиятимизда ҳеч ким эътибордан четда қолмайди. Бугун ўтказилган 14 нафар жомбойлик болажонларнинг суннат тўйлари фикримиз тасдиғидир.

Туман ҳокимлигида ёшлар билан ишлаш самарадорлигини оширишга қаратилган учрашув ўтказилди. Икки юз нафарга яқин жомбойлик йигит-қизлар иштирок этган тадбирда туман ҳокими Қаюм Собиров 1-сектор ҳудудида ёшлар билан ишлаш самарадорлигини ошириш юзасидан амалга оширилаётган ишларга тўхталди.

Тўққизбой маҳалласида туман ҳокими ва ёшлар учрашуви ўтказилди. Давлат хавфсизлиги хизмати туман бўлинмаси ҳамкорлигида ташкил этилган тадбирда 20 нафарга яқин йигит-қизларнинг имтиёзли кредит, субсидия, тадбиркорлик ва касб-ҳунар курсларида сабоқ олиш мавзуларидаги мурожаатлари ўрганилди.

Фавқулодда вазият табиий ёки техноген хусусиятга эга бўлиши мумкин. Олайлик, табиат кучлари сабаб юзага келса, табиий, инсон фаолияти орқасида содир бўлса, техноген тусда бўлади.

Афсуски, ҳар икки ҳолатда ҳам одамлар ожиз қолади. Шунинг учун ҳам ҳар қандай вазиятга шай туриш зарар қилмайди.

Халқ қабулхонасида туман ҳокими Қаюм Собиров иштирокида навбатдаги сайёр қабул ўтказилди.

Тадбирда Тошкент, Қўнғирот, Шерқўрғон, Сарой, Сарқипчоқ каби маҳаллалардан келган юз нафарга яқин фуқаролар мурожаати қабул қилинди. Эътиборлиси, уларнинг аксарияти ижобий ечим топди.