Халқ селекцияси замонавий илм-фандан ортда қоладиган соҳа эмас.

Фуқаро Ҳ.Темирова эндигина йигирма ёшга қадам қўйган. Аммо ота-онасининг оғир хасталикка чалингани, қарамоғида вояга етмаган синглиси борлиги сабаб рўзғор ташвиши унинг елкасига тушган. Ижтимоий ҳимояга муҳтож ушбу оилага 1-сектор томонидан иссиқхона қуриш, уй-жойни таъмирлаш борасида амалий кўмак кўрсатилмоқда.

Карантин чекловлари юмшатилиши билан сектор раҳбарлари томонидан ҳудудларда сайёр қабуллар ўтказилиши ҳақида аввал хабар қилгандик. Шундай тадбирларнинг дастлабкичи Талдираззоқ маҳалласида ўтди. Тадбирда аҳоли вакиллари муаммо ва таклифлар юзасидан туман ҳокимига мурожаат этишди.

2020 йил 1 июль ҳолатига туманимиз бюджетига қўшимча манбалар ҳисобидан 449 миллион 776 минг сўм жамғарилди. Ушбу маблағнинг камида ўн фоиз қисми жамоатчилик фикри асосида белгиланган тадбирларни молиялаштиришга йўналтирилиши мумкин. “Бюджет маълумотларининг очиқлиги ва бюджет жараёнида фуқароларнинг фаол иштирокини таъминлаш чора-тадбирлари тўғрисида”ги Президент қарорининг 6-бандида шундай тартиб назарда тутилган.

Вилоят халқ таълими бошқармасининг бўлим бошлиқлари ва мутахассисларидан иборат ишчи гуруҳ туманимиздаги умумтаълим мактабларининг янги ўқув йили ва куз-қиш мавсумига тайёргарлик ҳолатини ўрганди. 40-ихтисослаштирилган давлат умумтаълим мактабида мазкур ўрганиш натижалари мактаб директорлари иштирокида муҳокама қилинди.