Tumanimizdagi bolalar-o‘smirlar sport maktabida futbol bo‘yicha o‘smirlar o‘rtasida “Olimpiya kubogi” respublika ochiq chempionati o‘tkazildi. O‘zbekiston Respublikasi Konstitutsiyasining 29 yilligiga bag‘ishlangan tadbir “Sportni sev, sport bilan yasha!” shiori ostida tashkil etilgan.

Xalq deputatlari tuman kengashining qirq uchinchi sessiyasi o‘tkazildi. Tadbirda tumanga investitsiya jalb qilish va loyihalar ijrosi, tadbirkorlar murojaatini ko‘rib chiqishda mutasaddi rahbarlar mas’uliyatini oshirish, suv xo‘jaligi obyektlarining texnik holatini yaxshilash, suv tejovchi texnologiyalarni joriy etish mavzulari muhokama etildi.

Tuman hokimi Qayum Sobirov Uzunovul qishlog‘ida bo‘lib, aholi xonadonlarida mavjud sharoitlar bilan tanishdi. Mahalla fuqarolar yig‘ini vakillari, hokim yordamchisi bilan uyma-uy yurgan holda fuqarolar muammosi, fikr-takliflarini eshitdi.

Korrupsiyaga qarshi kurashish milliy kengashi tomonidan 9-dekabr – Xalqaro korrupsiyaga qarshi kurashish kuni munosabati bilan “Aksilkorrupsiya haftaligi” e’lon qilindi. Shu munosabat bilan tumanimizda ham uchrashuv va davra suhbatlari o‘tkazilmoqda.

Tumanimizdagi 23-umumta’lim maktabi joriy o‘quv yilidan informatika va axborot texnologiyalariga ixtisoslashtirilgan maktab sifatida faoliyat boshladi. Muassasada 1036 o‘quvchi tahsil olishini inobatga olib, alohida xonalar sohaga moslashtirildi. Taʼmirlash va jihozlashdan so‘ng bugun rasman foydalanishga topshirildi.